ගාසාහි දින 60ක සටන් විරාමයක් ආරම්භ කිරීමට ඊශ්රායලය එකඟ වී ඇති බව අමෙරිකානු ජනාධිපති ඩොනල්ඩ් ට්රම්ප් පවසනවා.
යෝජිත සටන් ගිවිසුම අතරතුර යුද්ධය අවසන් කිරීම සඳහා සියලු පාර්ශ්වයන් සමඟ කටයුතු කිරිමට බලාපොරොත්තු වන බවයි සිය සමාජ මාධ්ය ගිණුමේ සටහනක් තබමින් ඔහු සඳහන් කරන්නේ.
කටාරය සහ ඊජිප්තුව එහි මැදිහත්කරුවන් ලෙස කටයුතු කරන අතර, ඔවුන් විසින් අවසන් යෝජනාව ඉදිරිපත් කරනු ඇති බවද අමෙරිකානු ජනාධිපතිවරයා සඳහන් කර තිබෙනවා.
ඊශ්රායලය මෙන්ම හමාස් සටන්කාමීන්ද සටන් විරාමය සඳහා එකඟ විය යුතු බවත්, එසේ නොවුනහොත් යුද්ධය තවත් දික් ගැස්සෙනු ඇති බවයි අමෙරිකානු ජනාධිපතිවරයා අනතුරු අඟවා සිටින්නේ.
2023 ඔක්තෝබර් 07 වන දින හමාස් සංවිධානය ඊශ්රායලයට එල්ල කළ ප්රහාරයෙන් පසු ඊශ්රායලය ගාසා තීරයේ හමුදා මෙහෙයුමක් දියත් කළ අතර, එහිදී පුද්ගලයින් 1,200 ක් පමණ මියගොස් තිබෙනවා.
එතැන් සිට ගාසා තීරයේ අවම වශයෙන් පුද්ගලයින් 56,647 ක් පමණ මියගොස් ඇති බවයි විදෙස් මාධ්ය වාර්තා වැඩිදුරටත් සඳහන් කර ඇත්තේ.
