වර්තමානය වන විට බන්ධනාගාර ක්රමවේදය කෙරෙහි පළුදු වී ඇති ජනතා විශ්වාසය යළිත් ඇති කිරීම බන්ධනාගාර නිලධාරීන්ගේ වගකීමක් බව අධිකරණ සහ ජාතික ඒකාබද්ධතා අමාත්ය හර්ෂණ නානායක්කාර පවසනවා.
බන්ධනාගාර කොමසාරිස්වරුන් සහ දිවයිනේ සියලු බන්ධනාගාර අධිකාරීවරුන් සමඟ අධිකරණ අමාත්යාංශයේදී ඊයේ (23) පැවති සාකච්ඡාවකදී අමාත්යවරයා මේ බව සඳහන් කර තිබෙනවා.
හොඳ නිලධාරීන් සිටිය ද, දුෂිත නිලධාරීන් කිහිපදෙනෙකු හේතුවෙන් සියලු දෙනා අපකීර්තියට පත් වන බවද, නිවැරදි ලෙස රාජකාරී සිදුකරන නිලධාරීන්ට අවශ්ය වරප්රසාද හා පහසුකම් ලබාදීමට අමාත්යංශය සූදානම් බවද අමාත්යවරයා සඳහන් කළා.
කිසිඳු නිලධාරියෙකුට කිසිම ආකාරයක දේශපාලන බලපෑමක් සිදු නොවන බවත්, බන්ධනාගාර අධිකාරීවරුන් ලෙස නිවැරදිව සිය රාජකාරීය ඉටු කරන ලෙසට ඉල්ලා සිටින බවයි අමාත්ය හර්ෂණ නානායක්කාර වැඩිදුරටත් සඳහන් කර සිටියේ.
අදාළ නිවේදනය පහතින්.
