119 හදිසි ඇමතුම් අංකය අවභාවිතා කිරීම වළක්වා ගැනීමට කටයුතු කරන ලෙස පොලීසිය මහජනතාවගෙන් ඉල්ලා සිටිනවා.
ඒ අනුව, 119 ක්ෂණික දුරකථන ඇමතුම් මධ්යස්ථානය වෙත ඇමතුම් ලබාදෙමින් මෙම සේවාව අවභාවිතා කරන අවස්ථාවන් නිරීක්ෂණය වී ඇති බවයි පොලීසිය සඳහන් කරන්නේ.
මෙම මධ්යස්ථානය වෙත වාර්තා වන ඇමතුම් සම්බන්ධයෙන් සලකා බැලීමේදී පොලීසිය ක්ෂණිකව ක්රියාත්මක වීමට අවශ්ය පැමිණිලිවලට අමතරව අසත්ය පැමිණිලි හා වෙනත් ක්ෂණික සේවාවන් වෙත යොමු කළ යුතු පැමිණිලි ද ලැබෙන බවත්, වෙනත් සේවාවන් මඟින් එම අවශ්යතාවය ඉටු කර ගැනීමට හැකියාව පැවතිය ද (පාරිභෝගික සේවා සම්බන්ධ පැමිණිලි, අල්ලස් සම්බන්ධ පැමිණිලි, රාජ්ය ආයතන මඟින් සිදුවන අක්රමිකතා සම්බන්ධ පැමිණිලි, ඉඩම් ආරවුල්, මුදල් ආරවුල් වැනි පොලිසියේ සහාය ක්ෂණිකව අවශ්ය නොවන අවස්ථා සම්බන්ධයෙන් වන පැමිණිලි වැනි දේ) ඇතැම් පැමිණිලි මෙම හදිසි ඇමතුම් අංකය හරහා බොහෝ විට ඉදිරිපත් කිරීමට මහජනතාව විසින් කටයුතු කරන බවයි පොලීසිය පෙන්වා දෙන්නේ.
මේ හේතුව නිසා හදිසි අවස්ථාවකදී පොලිස් 119 ක්ෂණික ඇමතුම් මධ්යස්ථානය වෙත සම්බන්ධ වීමට ඇති හැකියාව අවම වන බවත්, මෙසේ අසත්ය පැමිණිලි ඉදිරිපත් කිරීම සම්බන්ධයෙන් අධිකරණය වෙත කරුණු වාර්තා කර අදාළ පුද්ගලයින්ට විරුද්ධව නීතිමය ක්රියාමාර්ග ගැනීමට කටයුතු කරන බවයි පොලීසිය වැඩිදුරටත් සඳහන් කරන්නේ.
මේ සම්බන්ධයෙන් නිකුත් කළ නිවේදනය පහතින්.
